23 гыйнварда Татарстан Республикасы Министрлар Кабинеты ЗАГС Идарәсенең киңәйтелгән коллегиясе булды, анда тармакка 2024 елга йомгаклар ясалды һәм 2025 елга бурычлар куелды.

  💫Утырышта катнашучыларга сәламләү сүзе белән Россия Юстиция министрлыгының юридик ярдәм һәм хокукый хезмәтләрне үстерү һәм көйләү департаменты директоры Роман Рябый мөрәҗәгать итте. 💫Төп доклад белән идарә башлыгы Эльвира Әхмәтова чыгыш ясады һәм республика ЗАГС органнарының статистик мәгълүматларын җиткерде. Әйтик, 2024 елда республикада 127 359 гражданлык хәле акты теркәлгән, 431 меңнән артык башка юридик әһәмиятле гамәлләр башкарылган. Шуларның 35 557се туу турында актлар. 11 меңнән артык бала (31%) Бердәм дәүләт хезмәтләре Порталы аша - «бала туу»суперсервисы ярдәмендә теркәлгән.   💍2024 елда республиканың ЗАГС органнары тарафыннан никахлашу турында 23 683 акт теркәлгән. Шул ук вакытта иң өлкән кияүнең яше – 89 (Лаеш районы), ә кәләшнең яше 86 (Казан шәһәре, Әлмәт муниципаль районы). Шунысы куанычлы: республикада аерылышу турында теркәлгән актлар саны тотрыклы рәвештә кими бара – хисап чорында 13 507. Аерылышу турындагы актларның кимүе өченче елда күзәтелә (-5,3%). Никахны өзү турындагы актларның 77% тан артыгын республиканың ЗАГС органнары суд карарлары буенча рәсмиләштергән. Республика ЗАГС идарәсе һәм органнары ел дәвамында гаилә традицияләрен популярлаштыру, ныклы гаилә кыйммәтләрен аеруча яшьләр арасында үстерү буенча зур системалы эш алып барды. 16 000 нән артык никахлашу тантанасы, 2 200 дән артык гаилә тормышының юбиляр парларын хөрмәтләү чаралары уздырылган, шуларның 1 800 дән артыгы 50 ел бергә яшәгән, ә 292 пар - «Бриллиант» юбиляр (60 ел ирле-хатынлы), 15 пар Изге туй үткәргән (70 ел гаилә тормышына). Республика ГХАТ органнары эшенә республика Премьер-министры урынбасары Ләйлә Фазлыева йомгак ясады. Коллегия утырышы азагында «Россия йөрәге» гаилә учагы капсуласын Казан шәһәре Башкарма комитетының ЗАГС идарәсе башлыгы Елена Студеникинага тапшыру тантанасы булды. «Россия йөрәге» гаилә учагы уты салынган Капсула Мәскәүдә, Татарстан Республикасының барлык районнарында «Россия» Халыкара күргәзмә-форумында булды һәм хәзер ул мәхәббәт һәм тугрылык билгесе, республикабызның ныклы һәм бәхетле гаиләләре символы буларак «Казан» Гаилә үзәгендә сакланачак! 💞Әлеге тантанада 2024 елда гаилә институтын ныгытудагы һәм биш бала тәрбияләүдәге казанышлары өчен «ата-ана Даны»ордены медале белән бүләкләнгән Илнур һәм Алия Мотыйгуллиннар гаиләсе катнашты.