«Бөек Җиңү»Бөтендөнья мәктәп олимпиадасы.

  Бер айдан, 25 февральдә, Бөек Ватан сугышында Җиңүнең 80 еллыгына һәм Ватанны саклаучылар елына багышланган «Бөек Җиңү»Бөтендөнья мәктәп олимпиадасы старт ала. Бу хакта чараны оештыручылар хәбәр итә. Бөтен дөньядан килгән укучылар Бөек Ватан сугышы турындагы белемнәрен күрсәтә алачак. Оештыручылар билгеләп үткәнчә, төп бурыч — яшь буын вәкилләренең игътибарын шул еллардагы вакыйгаларга җәлеп итү. Олимпиадада 10 яшьтән 18 яшькә кадәрге балалар һәм яшүсмерләр катнаша алачак. Биремнәр төрле катлаулылык дәрәҗәләре буенча төркемләнгән. Гомумән алганда, өч тур каралган. Беренче тур, классик онлайн-тестлаштыру, 25 февральдән 21 мартка кадәр дәвам итәчәк. Икенче тур, махсус биремнәр белән киңәйтелгән онлайн-тестирование 24 марттан 11 апрельгә кадәр узачак. Финал (иҗади бирем) 6 майга билгеләнгән. Олимпиадада катнашучылар шулай ук үз көчләрен иҗади конкурста сынап карый алалар. Ул «Җиңү йөзе» темасына рәсем һәм «яшь полководец»иҗади эшен үз эченә ала. Олимпиада җиңүчеләре акцияне оештыручылардан һәм партнерлардан кыйммәтле призлар һәм бүләкләр алачак. Финалда җиңгән өч укучы Кызыл мәйданда Җиңү парадында һәм 9 Май уңаеннан оештырылган тантаналы концертта катнаша алачак.