Майор Исхаков Фәнил Җәүдәт улы истәлегенә багышланган мини-футбол буенча ачык турнир.

  «Юность» универсаль спорт залында Ватанны саклаучылар елы кысаларында Россия Федерациясе Кораллы Көчләре майоры Исхаков Фәнил Җәүдәт улына багышланган мини-футбол буенча ачык турнир узды. Бу спорт вакыйгасы Аксубай һәм Әлмәт районнарыннан, Чистай, Кукмара шәһәрләреннән килгән спортчыларны берләштерде, алар югары дәрәҗәдәге осталык һәм команда рухы күрсәттеләр. Тамашачылар киеренке матчлар, көчле голлар һәм матур комбинацияләр шаһиты булдылар. Турнирны ачу тантанасында район җитәкчелеге вәкилләре, майор Исхаковның туганнары катнашты. Алар Ватан өчен гомерен биргән батырны искә алдылар һәм турнирда катнашучыларга уңышлар һәм җиңүләр теләделәр. Уеннар нәтиҗәләре буенча турнирның җиңүчесе булып Кукмара командасы танылды, көмешне 2013 елгы  Аксубай яшүсмерләр яулады, бронза медальгә Чистай егетләре лаек булды. Ярышларда җиңүчеләр һәм призерлар истәлекле бүләкләр алды. Бу вакыйга махсус хәрби операциядә катнашкан геройлар истәлеген саклауда, яшьләрне патриотизм рухында һәм Ватанга хөрмәт белән тәрбияләүдә мөһим адым булды.