Агросәнәгать комплексы өлкәсендә кадрлар әзерләү турында.

  Россия авыл хуҗалыгы министры Оксана Лут 27 гыйнварда парламент тыңлауларында агросәнәгать комплексы өлкәсендә кадрлар әзерләү турында сөйләде. Аның сүзләренә караганда, илкүләм проект кысаларында 2030 елга бөтен ил буенча 18 мең агроклассның эшен оештыру планлаштырыла. "Күбесенчә бу авыл мәктәпләре. Шәһәр мәктәпләреннән без, әлбәттә, берничек тә баш тартмыйбыз. Тармакта конкуренция бик зур. Әлегә бездә җиденче һәм тугызынчы сыйныфлар, шулай ук, унынчы һәм унберенче сыйныфлар бар", - диде Лут. Министр билгеләп үткәнчә, ведомство системасында 45 югары уку йорты бар, шуларның 40ы урта махсус белем бирү белән дә шөгыльләнә. Төбәкләрдә барлыгы 1100 гә якын югары уку йорты бар, аларда аграр өлкәгә бәйле юнәлешләр бар.  Моннан тыш, РФ Мәгариф министрлыгы кадрлар әзерләүне тизләтү өчен укыту программасын кыскарту өстендә эшли, дип билгеләде министр.