Эпизоотиягә каршы чаралар.

  Ветеринария белгечләре эпизоотиягә каршы чаралар үткәрүне дәвам итәләр. Эре мөгезле терлекләрне лептоспирозга каршы планлы вакцинацияләгәннән соң белгечләр, ике атналык вакциналь интервалны көтеп , котыру авыруына каршы вакцинациягә керештеләр. Бу этапта авыл хуҗалыгы предприятиеләрендә һәм крестьян-фермер хуҗалыкларында эре мөгезле терлек һәм атлар котыруга каршы эшкәртелергә тиеш. Исегезгә төшерәбез, котыру авыруы-хайваннар һәм кеше авыруы. Дәвалау чаралары эшләнмәгән. Иң мөһиме - авыруны вакцинация ысулы белән профилактикалау. Котыру авыруына каршы вакцинацияне дәүләт ветеринария хезмәте белгечләре бушлай үткәрә.