«Иң яхшы татар теле һәм әдәбияты укытучысы» Бөтенроссия конкурсының зона этабында катнашучы.

  Агымдагы елның 29 гыйнварында Татарстан Республикасы Нурлат муниципаль районының Нурлат шәһәрендә Татарстан Республикасы Мәгариф һәм фән министрлыгы тарафыннан «иң яхшы татар теле һәм әдәбияты укытучысы - 2025» Бөтенроссия һөнәри конкурсының зона этабы узды. Әлеге конкурс ел саен мәктәпләрдә иҗади эшләүче татар теле һәм әдәбияты укытучыларын ачыклау, аларга ярдәм итү һәм бүләкләү максатларында үткәрелә. Аксубай районы белән берлектә зона этабында тагын 5 район катнашты: Чирмешән, Яңа Чишмә, Спас, Әлки һәм Нурлат. 6 укытучы үзләренең ачык дәресләрен һәм мастер-классларын күрсәттеләр. Аксубай районыннан муниципаль этап җиңүчесе, В.Г. Тимирясов исемендәге 1 нче Аксубай урта мәктәбенең татар теле һәм әдәбияты укытучысы Сәгыйтова Гөлнур Фәрит кызы чыгыш ясады. Гөлнур Фәрит кызы барлык конкурс сынауларын да лаеклы үтәде, югары әзерлек дәрәҗәсен күрсәтте: 3 нче сыйныфта татар теле дәресе күрсәтелде һәм мастер-класс бирелде , аны Гөлнур Фәрит кызы бөек татар шагыйре Хәсән Туфанга багышлады, аның 125 яшьлек юбилее безнең районда югары дәрәҗәдә билгеләп үтелә. Конкурс азагында зона этабын ябу тантанасы булды, соңыннан барлык катнашучыларга «иң яхшы татар теле һәм әдәбияты укытучысы – 2025»конкурсында катнашу турында таныклыклар бирелде. Нурлат районына кунакчыллыгы өчен рәхмәт белдерәбез һәм Гөлнур Фәрит кызына конкурсның алдагы этапларында уңышлар телибез!