Аксубай районы Яңа ел бизәлеше буенча республика конкурсында икенче урынга лаек булды.

  1 февральдә ТР Хөкүмәте Йортында республика киңәшмәсе кысаларында муниципаль берәмлекләр, предприятиеләр һәм оешмалар арасында 2025 елда иң яхшы Яңа ел чарасына һәм бәйрәм бизәлешенә республика конкурсына йомгак ясалды. Конкурс йомгаклары буенча «үзәк Яңа ел чыршысын иң яхшы бизәү һәм җирлекләрдә биш зона төркеме буенча (район үзәкләреннән тыш) яңа ел чараларын үткәрү» номинациясендә икенче урынны районыбызның Урмандеево авыл җирлеге алды. Беренче урында-Чистай районының Булдыр авыл җирлеге, өченче урында-Спас районының Ямбухта авыл җирлеге һәм Әлки районының Карга авыл җирлеге яулады. Конкурста барлыгы 42 муниципаль район һәм 2 шәһәр округы катнашты (ике муниципаль район – Саба һәм Балык Бистәсе-конкурста катнашмады). Конкурста 9 номинация һәм бер махсус приз"А у нас во дворе». 14 җиңүче һәм 44 призер билгеләнде. Җиңүчеләрне котлыйбыз!