Район Башкарма комитеты җитәкчесе Алмаз Мингулов «Лениногорскгаз» ЭПУ «Газпром трансгаз Казан» ҖЧҖнең Аксубай район эксплуатацияләү газ хезмәте хезмәт коллективы белән очрашты.

  Очрашу барышында муниципаль берәмлек алдында торган бурычлар турында сөйләде һәм кызыксындырган сорауларга җавап бирде. Башкарылган эшләр һәм яңа планнар турында хисап белән газ хезмәте җитәкчесе Александр Мартынов чыгыш ясады. Аксубай район эксплуатацияләү газ хезмәте халыкның йорт эчендәге һәм фатир эчендәге газ җайланмаларына хезмәт күрсәтү, агымдагы ремонт һәм мониторинг ясау, ремонт һәм техник хезмәт күрсәтү белән шөгыльләнә. Аксубай районы буенча 860,17 км газ үткәргечләр, җиһазлар, 10805 газлаштырылган торак йорт һәм фатир хезмәт күрсәтелә. Коллективның саны 73 кеше, 6 берәмлек техника бар. Районда 74 торак пункт газлаштырылган, шул исәптән шәһәр тибындагы Аксубай бистәсе.