«С чего начинается Родина..»район нәфис сүз конкурсы.

  3 февральдә Аксубай район мәдәният йортында " С чего начинается Родина ...”Җиңүнең 80 еллыгына, Ватанны саклаучылар елына һәм Хәсән Туфанның тууына 125 ел тулуга багышланган район нәфис сүз конкурсы узды.  Конкурс мәдәният бүлеге җитәкчесе Алексей Тимирясов белән берлектә Аксубай районы Башкарма комитеты җитәкчесе Алмаз Мингулов ярдәме белән оештырылды. Чараның мәртәбәле кунаклары Үзәк хәрби округ инспекторы генерал-майор Анатолий Молоствов һәм запастагы подполковник Сөләйманов Рамил Камил улы булды. Конкурс программасын патриотик җыр белән махсус хәрби операциядә катнашучының хатыны Лилия Мантова ачып җибәрде. Конкурста 85тән артык бала һәм 30 өлкән кеше катнашты. Катнашучылар үзләренең осталыкларын һәм оригиналь башкаруларын күрсәтеп, җитди әзерләнделәр. Конкурста катнашучыларны компетентлы жюри: Аксубай муниципаль районының Мактаулы гражданы, Татарстан Республикасының атказанган укытучысы Валентина Селезнева, район ветераннар советы рәисе Галина Бобкова, «Ватанга хезмәт итәм» ветераннар берлеге вәкиле Илһам Вафин һәм район мәдәният йорты методисты Гүзәл Хафизова бәяләде.  Конкурста катнашучыларның барысына да катнашу турында дипломнар тапшырылды, иң яшь һәм иң өлкән катнашучыларга истәлекле бүләкләр бирелде. Конкурста Иң яшь катнашучы-махсус хәрби операциядә катнашучының кызы биш яшьлек Мантова Сафина, ә иң өлкән катнашучы-Кәкре Күл авылыннан Римма Анатольевна Крайнова, аңа 73 яшь.  Конкурста җиңүчеләр 11 февральдә район мәдәният йортында Ватанны саклаучылар елын ачу тантанасында игълан ителәчәк һәм бүләкләнәчәк.