Казанда республиканың 2024 елгы яшьләр сәясәтенә йомгак ясалды.

  Казанда республиканың 2024 елгы яшьләр сәясәтенә йомгак ясалды һәм 2025 елга Татарстан яшьләре өчен өстенлекле яшьләр программаларын һәм проектларын билгеләделәр. Республика Яшьләр министрлыгы коллегиясенең онлайн форматтагы утырышында Аксубай районының яшьләр оешмалары җитәкчеләре, яшьләр берләшмәләре активистлары катнашты.   2025 елга өстенлекләр арасында патриотик юнәлештәге проектка, яшьләр арасында социаль-тискәре күренешләрне профилактикалау мәсьәләләренә, шулай ук төрле яшьтәге һәм төрле мәнфәгатьләрдәге яшьләрнең үз-үзләрен тормышка ашыру программаларына һәм чараларына ярдәм итүгә аерым игътибар бирелде. 2025 елда республиканың яшьләр сәясәтендә Россия Федерациясе Президенты В.В. Путин кушуы буенча гамәлгә ашырыла башлаган «Молодежь и дети» яңа милли проектының максатларын һәм бурычларын исәпкә алып чараларны актуальләштерүгә аерым игътибар бирелә. Беренче мәртәбә тулаем республика яшьләр сәясәтенең төп вакыйгасы, анда ел саен Татарстан яшьләре өчен өстенлекләр, бурычлар һәм мөһим мәсьәләләр билгеләнә, иң киң хезмәткәрләр һәм яшьләр катнашында онлайн трансляция форматында узды. Яшьләр үзәкләре һәм яшүсмерләр клублары җитәкчеләре, Татарстанның барлык шәһәр һәм районнарындагы яшьләр берләшмәләре лидерлары һәм активистлары видеотрансляциядә катнашты. Коллегиянең төп кунагы республика Хөкүмәте вице-премьеры Ләйлә Фазлыева булды. Татарстан Яшьләр коллегиясендә каралган мәсьәләләр белән тулырак ТР Яшьләр министрлыгының ВКонтакте рәсми битендә танышырга мөмкин vk.com/minmol_rt