«Бөек Җиңүнең 80 еллыгы: вакыйга белән тәрбияләү»региональ проект сессиясе.

  6 февральдә Казанның «Россия — минем офыкларым» тарихи паркында Бөек Җиңүнең 80 еллыгына багышланган төбәк проект сессиясе булды. Бу мөһим вакыйга «балачак навигаторлары» проектының муниципаль координаторларын һәм Татарстанның төрле почмакларыннан мәгариф идарәләре һәм бүлекләренең тәрбия эшләре буенча начальник урынбасарларын берләштерде. Чарада районыбыз вәкилләре булып мәгариф бүлеге начальнигының тәрбия эше буенча урынбасары Гүзәл Касыймулла кызы Хикмәтуллина, муниципаль киңәшчеләр координаторы Наталия Геннадьевна Хәйруллина һәм Аксубайның 3 нче урта мәктәбенең тәрбия буенча директор киңәшчесе Лилия Фазыл кызы Саматова катнашты. Сессияне Татарстан Республикасы Мәгариф һәм фән министрлыгы белән берлектә «Балачак навигаторлары» төбәк ресурс үзәге оештырды. Чараның төп максаты-төп тарихи вакыйгалар аша яшь буынны тәрбияләүгә юнәлдерелгән яңа идеяләр эшләү һәм фикер алышу өчен тәрбия өлкәсе профессионалларын берләштерү. Катнашучыларга сәламләү сүзләре белән Татарстан Республикасы Мәгариф һәм фән министрлыгының өстәмә белем һәм тәрбия бүлеге башлыгы Анастасия Константиновна Корманова һәм «Росдетцентр»ФДБУ гражданнарны патриотик тәрбияләү өлкәсендә проектлар һәм программаларны гамәлгә ашыру бүлегенең баш эксперты вазыйфаларын башкаручы Гөлназ Мөнир кызы Нигъмәтҗанова мөрәҗәгать иттеләр. Алар үсеп килүче буынны тәрбияләүгә керткән өлешләре, аларның үсеше өчен шартлар тудырганнары өчен рәхмәт белдерделәр һәм катнашучыларга сессия кысаларында уңышлы эш теләделәр. Чара дәвамында катнашучылар төркемнәрдә актив эшләделәр, Җиңүнең 80 еллыгын бәйрәм итүгә багышланган төрле тәрбия чараларын уздыру концепцияләрен һәм планнарын эшләделәр. Аларның һәркайсы үзенең уникаль өлешен кертте, бу бик күп кызыклы инициативалар булдырырга мөмкинлек бирде. Чара азагында Гөлназ Мөнир кызы Татарстан Республикасында тәрбия үсешенә зур өлеш керткән муниципаль координаторларга Рәхмәт хатлары тапшырды. «Росдетцентр» ФДБУнең Рәхмәт хаты Аксубай районы киңәшчеләренең муниципаль координаторы Наталия Геннадьевна Хәйруллинага тапшырылды.