"БӨЕК РОССИЯ ТУРЫНДА ГОРУРЛЫК БЕЛӘН!"

  7 февраль көнне район мәдәният йортында вокаль коллективларының "Бөек Россия турында горурлык белән" фестиваль-конкурсы булып узды. Фестиваль Ватанны саклаучылар елына һәм Бөек Ватан сугышында Җиңүнең 80 еллыгына багышланган иде.  Аксубай МР Башкарма комитеты җитәкчесе Алмаз Мингулов һәм Башкарма комитет җитәкчесенең социаль мәсьәләләр буенча урынбасары Сергей Александров чараның мәртәбәле кунаклары булдылар.  Бу конкурс талантлы җырчыларны берләштергән чын музыка һәм хәтер бәйрәменә әверелде. Масштаблы фестивальдә бөтен районнан 20дән артык вокаль коллектив катнашты. Вокаль коллективлар репертуарында-Ватан, хәрби дуслык, Ватан геройларының батырлыгы һәм гаиләсе турында хәрби-патриотик җырлар, халык әсәрләре һәм эстрада композицияләре. Конкурста катнашучыларны компетентлы жюри бәяләде: Аксубай муниципаль районының Мактаулы гражданы, Татарстан Республикасының атказанган укытучысы Валентина Алексеевна Селезнева, район ветераннар советы рәисе Галина Павловна Бобкова, "Ватанга хезмәт итәм" ветераннар берлеге вәкиле Илһам Вафин, район мәдәният йортының сәнгать җитәкчесе Марина Царегородцева, район мәдәният йорты режиссеры Резеда Гатина, һәм "СВОих не бросаем"  волонтерлык хәрәкәтенә нигез салучы  Елена Кузьмина. Җиңүчеләрнең исемнәре район мәдәният йортында Ватанны саклаучылар көненә багышланган концертта игълан ителәчәк.