Аксубай районында Ватанны саклаучылар елын тантаналы ачу.

  11 февральдә район мәдәният йортында Ватанны саклаучылар елын һәм Бөек Җиңүнең 80 еллыгын ачу тантанасы булды. Концерт башланыр алдыннан барлык кунаклар да төрле күргәзмәләрдә була алды, "Ватанны саклаучылар" фондының социаль координаторлары оештырган "герой гаиләсе"фото-күргәзмәсе район халкында аеруча зур кызыксыну уятты.  Чарада катнашучыларны Аксубай муниципаль районы Башкарма комитеты җитәкчесе Алмаз Мингулов, Үзәк хәрби округ инспекторы генерал-майор Анатолий Молоствов һәм Аксубай районы мәдәният бүлеге начальнигы Алексей Тимирясов котладылар. Чараның мәртәбәле кунаклары Бөек Ватан сугышы ветераннары, тыл хезмәтчәннәре, махсус-хәрби операциядә катнашучылар, аларның гаиләләре, "Ватанга хезмәт итәм"ветераннар берлеге вәкилләре булды. Аксубай районы Башкарма комитеты җитәкчесе Алмаз Мингулов һәм Үзәк хәрби округ инспекторы генерал-майор Анатолий Молоствов ветераннар, тыл хезмәтчәннәре Евграфов Петр Васильевич һәм Янилкин Николай Андреевичны Бөек Ватан сугышында Җиңүнең 80 еллыгына багышланган юбилей медальләре белән бүләкләделәр.  Ел ачылышында тамашачылар патриотик концерт программасын күрделәр. Концерт башында тамашачыларны театральләштерелгән тамаша көтә иде, ул беркемне дә битараф калдырмады. Мәдәният хезмәткәрләре, балалар сәнгать мәктәбендә укучылар патриотик җырлары һәм матур биюләре белән тамашачыларны сөендерделәр. "Ватан нәрсәдән башлана" дигән район конкурсында җиңүчеләр концерт тамашачыларына патриотик әсәрләр укыдылар. Чара Казан шәһәр филармониясе артисты, ТР атказанган артисты Рөстәм Насыйбуллин чыгышы белән тәмамланды.