«Син минем хәтердә, Әфганстан» хәтер сәгате.

  Бөек Ватан сугышында Җиңүнең 80 еллыгы һәм Ватанны саклаучылар елы кысаларында «Мечта» социаль приютында тәрбияләнүчеләр белән «Син минем хәтердә, Әфганстан»исемле аралашу сәгате үткәрелде. Хәтер сәгате Әфганстанда сугышкан солдатларыбызның батырлыкларын истә тотарга кирәклеге турында сөйләүдән башланды. Балалар белән сугыш хәрәкәтләре кадрлары белән солдат язмышының авырлыклары турында видеоролик каралды,  . Әфганстанда һәлак булган сугышчылар истәлегенә бер минут тынлык игълан ителде. Укучылар үзләренең шигырьләрендә һәм рәсемнәрендә үз халкы һәм иле өчен горурлык белдерделәр. Иң дулкынландыргыч мизгел-якташыбыз Баһаветдинов Рамил Нәҗип улы турындагы хикәя, аның медальләрен, фотосурәтләрен балалар горурланып карадылар. Мондый чаралар балаларда патриотлык хисе, Ватанга мәхәббәт, Әфганстандагы сугышта булган кешеләргә тирән хөрмәт һәм ихтирам хисе тәрбияли.