Фәрит Мөхәммәтшин Аксубай районының яшь волейболчылары белән аралашты.

  Аксубай районына эш сәфәре кысаларында Дәүләт Советы Рәисе, Татарстан Республикасы Волейбол федерациясе президенты Фәрит Мөхәммәтшин " Юность"спорт комплексында булды, яшь волейболчылар һәм тренерлар белән аралашты, аларны мәктәп волейбол лигасының муниципаль этабы башлану белән котлады һәм укучыларга волейбол туплары һәм спорт инвентарьлары тапшырды. 2010 елда төзелгән «Юность» спорт комплексы спорт белән шөгыльләнү өчен мөмкинлекләрнең киң спектрын тәкъдим итә. Биредә универсаль зал, теннис корты, бадминтон өчен мәйданчык, мини-футбол аренасы, баскетбол паркеты, көрәш келәме һәм боксерлар рингы, шулай ук тренажер һәм гимнастика заллары урнашкан. Кадерле аксубайлылар! Тренажер залында квалификацияле инструктор Евгений Георгиевич Леонтьев эшли, ул югары спорт нәтиҗәләренә ирешергә һәм сәламәтлеген ныгытырга ярдәм итә алачак, дип хәбәр итәбез.