Аксубай бистәсе үзәк шугалагында «Алтын алка " Бөтенроссия ярышларының республика этабы узды.

  Ике көн дәвамында безнең хоккейчылар алтын өчен көрәштеләр, һәм нәтиҗә көтелгәннән дә артып китте! «Кайбыч» командасы белән беренче уенда 7:3, ә икенчесендә 7:2 исәбе белән җиңделәр. Балтач спортчыларына каршы киеренке матчта 4:3 исәбе белән җиңү яулауга карамастан, финалда яшь аксубайлылар 5:0 исәбе белән ышанычлы җиңү яулап, алтын медаль яуладылар! Җиңүчеләрне бүләкләү җанатарларның көчле алкышлары астында узды. Мәйданчык хуҗаларына алтын кубок һәм команданың һәр әгъзасына медальләр тапшырылды. Икенче урында – Балтач районыннан хоккей дружинасы, өченчедә-Кайбыч. Очрашулар нәтиҗәләре буенча Даниил Ашаев иң яхшы һөҗүмче дипломы һәм статуэтка алды.