Район мәдәният йортында Ватанны саклаучылар көненә багышланган «Минем Россиям өчен» дигән бәйрәм концерты булды.

  23 февраль-бәйрәм генә түгел, хәтер һәм рәхмәт көне. Ул безгә Ватаныбызны саклауда торучыларның батырлыгы, ныклыгы һәм фидакарьлеге турында искә төшерә. Район Башкарма комитеты җитәкчесе Алмаз Мингулов Үзәк хәрби округ инспекторы генерал-майор Анатолий Молоствов белән берлектә ветеран Зөлкарнәй Галимҗан улы Галимҗановка «Бөек Ватан сугышында Җиңүгә 80 ел» юбилей медален тапшырдылар. Волонтерлык эшчәнлеге өчен активистларга грамоталар бирелде. Фойеда кунаклар игътибарына Аксубай туган якны өйрәнү музее хезмәткәрләре тарафыннан "Ватанга хезмәт итәм"иҗтимагый оешмасы белән берлектә оештырылган тематик күргәзмә тәкъдим ителде. Концерт программасы һәркемнең йөрәген үз илебез, аның тарихы, гореф-гадәтләре һәм бүген җиребезне саклаучылар өчен горурлык белән тутырды. Бу кичә барлык яшьтәге кешеләрне берләштерде һәм Ватанны саклаучылар көне — үз Ватанын саклаучыларны хөрмәт итүче барлык Россия гражданнары өчен бәйрәм икәнлеген күрсәтте.