"Ватанга чын ирләр хезмәт итә"

  21 февраль көнне Аксубай районының «Мечта» балалар һәм яшүсмерләр приютында Ватанны саклаучылар көне алдыннан «ватанга чын ирләр хезмәт итә» дигән концерт программасы үтте. Бәйрәмгә бабайлар, әтиләр, абыйлар чакырылган иде. Балалар номерлар әзерләделәр, шигырьләр укыдылар, заманча биюләр һәм патриотик җырлар башкардылар. Шулай ук балаларның үзләре язган гитара астында автор җырлары яңгырады. Бәйрәм барлык ир-атларны котлау белән тәмамланды һәм тәрбияләнүчеләрнең үз куллары белән ясаган истәлекле бүләкләре тапшырылды. 23 февраль көнне малайлар өчен " Ягез әле, егетләр!   конкурс-уен спорт программасы узды,анда «Спецназ» һәм «Морпех»командалары катнашты. Ярышлар программасы төрле конкурсларга бай булды, анда егетләр үзләренең физик сәләтләрен генә күрсәтеп калмады. Бу мавыктыргыч ярышның барлык этаплары да киеренке көрәштә узды. Катнашучылар автоматны сүтү һәм җыю, каршылыкларны җиңү, беренче медицина ярдәме күрсәтү һәм логик мәсьәләләрне чишү буенча ярыштылар. Тамашачылар, бәйрәм һәм бердәмлек рухы тудырып, командаларга актив ярдәм күрсәттеләр. Чара катнашучыларның команда рухын ныгытуга һәм физик сыйфатларын үстерүгә ярдәм итте. Яшь Ватанны саклаучыларыбызны бәйрәм белән котлыйбыз һәм аларга алга таба уңышлар телибез!