Аксубай районында «КАМАЗ " ГАҖ вәкилләре белән очрашу.

  Район Советының утырышлар залында район җитәкчелегенең «КАМАЗ» ГАҖ вәкилләре һәм вахта ысулы белән эшләргә теләүче гражданнар белән эшлекле очрашуы булды. Чарада шулай ук районның авыл җирлекләре башлыклары һәм универсаль технологияләр техникумы студентлары катнашты. Очрашу барышында хезмәт шартларына, хезмәткәрләргә социаль ярдәм күрсәтүгә һәм компаниянең эш үзенчәлекләренә кагылышлы төп мәсьәләләр каралды. Очрашуда катнашучылар үзләрен кызыксындырган сорауларны бирә, үз фикерләрен һәм тәкъдимнәрен әйтә алдылар. «КАМАЗ» ГАҖ вәкилләре билгеләп үткәнчә, алар хезмәткәрләрнең ихтыяҗларын һәм мәнфәгатьләрен исәпкә алырга әзер.