Кече хуҗалыклар өчен дәүләт ярдәме чараларына багышланган семинар.

  2025 елның 25 февралендә компетенция үзәге директоры Диләрә Шувалова безнең районда булды һәм кече хуҗалыкларга дәүләт ярдәме чараларына багышланган семинар үткәрде. Очрашуда Башкарма комитет җитәкчесе Алмаз Миңгулов, авыл җирлекләре башлыклары, авыл эшмәкәрләре, фермер хуҗалыклары һәм шәхси ярдәмче хуҗалыклар башлыклары катнашты. Диләрә Шувалова дәүләт ярдәме, мәгълүмат системалары белән эшләү, шәхси ярдәмче хуҗалыкларга дәүләт ярдәме чараларындагы үзгәрешләр турында актуаль мәгълүмат белән уртаклашты. Шулай ук кооперативлар, шәхси эшмәкәрләр, фермер хуҗалыклары һәм шәхси ярдәмче хуҗалыклар өчен мөмкинлекләр турында сөйләде. Очрашу ахырында дәүләт ярдәме чараларын нәтиҗәле файдалану максатында грант ярдәменең һәр потенциаль катнашучысы белән индивидуаль консультация уздырдылар, уртак эшкә планнар билгеләделәр.