Башлангыч сыйныф укытучыларының район семинары.

  2025 нче елның 27 нче февралендә Иске Илдерәк урта мәктәбендә башлангыч сыйныф укытучыларының «Хәзерге заман башлангыч сыйныф укучылары тормышында рухи-әхлакый тәрбиянең роле»дигән темага район семинары булып узды. Чарада башлангыч сыйныф укытучыларының ачык дәресләре, мастер-класслар, мәктәп музеена экскурсия оештырылды. Семинарда укытучылар кече сыйныф укучыларын укыту һәм тәрбияләүнең актуаль мәсьәләләре, 2025 елда Бөтенроссия тикшерү эшләрен оештыру турында фикер алыштылар, шулай ук башлангыч сыйныфларда эшләү тәҗрибәсе белән уртаклаштылар. Балалар белән эшләүнең методик аспектларына, заманча белем бирү технологияләрен һәм укытуның интерактив методларын куллануга аерым игътибар бирелде. Район семинары югары дәрәҗәдә оештырылды.