«Аксубай урманчылыгы» ДКИ хезмәткәрләре район мәктәпләрендә чыгарылыш сыйныф укучылары өчен һөнәри юнәлеш буенча очрашулар үткәрә.

  Лубян урман-техника көллиятендә укуга җентекләп тукталдылар. Нинди һөнәрләр алырга, бюджет урыннарына ничек эләгергә, уку һәм яшәү шартларын аңлаттылар. Кукмара районында урнашкан Лубян урман-техника көллияте «Урман һәм урман-парк хуҗалыгы», «икътисад һәм бухгалтерлык исәбе (тармаклар буенча)», «Бакча-парк һәм ландшафт төзелеше» белгечлекләре буенча хезмәт базарында ихтыяҗ зур булган югары квалификацияле белгечләр әзерли. Төп белгечлекләрдән тыш, студентлар тракторчы, агач аударучы, йөзем агачыннан нәфис әйберләр ясаучы, кассир һәм башка һөнәрләрне үзләштерәләр.