"Апрель" вокаль-инструменталь ансамбле концерты.

  28 февральдә район мәдәният йортында "Апрель"вокаль-инструменталь ансамбленең искиткеч концерты булды. Концертта тамашачылар төрле чорларның популяр җырларын ишеттеләр. Ансамбльдә Аксубайның 3 нче урта мәктәбенең 11 нче сыйныф укучылары: Полященко Дмитрий, Алмакаева Айгөл, Кудрявцева Мария, Габдрахманова Самира һәм Чистай авыл хуҗалыгы техникумы студенты Крайнов Кирилл катнаша. Төркемнең җитәкчеләре: район мәдәният йорты белгечләре Большов Алик Николаевич һәм Дондиков Андрей Владимирович. Концертта шулай ук Сергей Ильин, Семен Крайнов һәм "Дэнс-тайм"хореография ансамбле дә актив катнашты. Катнашучыларның үтәлеше бер кешене дә битараф калдырмады, барысын да искиткеч энергетикасы һәм ихлас хис-кичерешләре белән таң калдырды. Концерт ахырында катнашучыларның матур чыгышлары өчен Аксубай муниципаль районының мәдәният бүлеге җитәкчесе Алексей Тимирясов һәм "ЦКС" МБУК (район мәдәният йорты) директоры Ольга Копанева рәхмәт белдерделәр.