15 марттан Татарстан Республикасында традицион авыл хуҗалыгы ярминкәләре старт ала.

  15 марттан Татарстан Республикасында традицион авыл хуҗалыгы ярминкәләре Казанның 12 мәйданчыгында, Чаллы шәһәренең 2 мәйданчыгында, Зеленодольск шәһәренең 2 мәйданчыгында, Түбән Кама шәһәренең 2 мәйданчыгында һәм Түбән Кама районының Кама Аланында  1 мәйданчыкта старт ала.    Безнең район гадәттәгечә Казан шәһәренең Липатов урамы, 7 адресы буенча урнашкан ярминкә мәйданчыгында күрсәтеләчәк.    Ярминкәләрдә гадәттәгечә фермерлардан, кооперативлардан һәм авыл хуҗалыгы предприятиеләреннән уртача бәяләрдән түбәнрәк продуктлар тәкъдим ителәчәк. Авыл хуҗалыгы ярминкәләре кече һәм урта эшкуарлык субъектларына ярдәм итү максатында үткәрелә, бу «Нәтиҗәле һәм конкурентлы икътисад»милли проектының максатларына һәм бурычларына туры килә. Ярминкәләр югары социаль әһәмияткә ия һәм республика авыл хуҗалыгы продукциясен сатуның иң кирәкле форматларының берсе булып тора. Шәһәр халкына арзан бәядән төрле продуктлар: кош ите, йомырка, сыер ите, дуңгыз ите, бәрәңге, яшелчә, сөт һәм сөт продуктлары, шикәр, көнбагыш мае, он, кондитер әйберләре тәкъдим ителәчәк. Ярминкәләр 2025 елның 27 апреленә кадәр (7 ярминкә атнасы) үткәреләчәк.