Безнең укучыбыз - Бөтенроссия олимпиадасының төбәк этабында җиңүче!

Технология буенча Бөтенроссия укучылар олимпиадасының төбәк этабы тәмамланды. Татарстанның 225 укучысы олимпиаданың 4 юнәлешендә эшләде: техника, технология һәм техник иҗат; йорт мәдәнияте, дизайн һәм технологияләр; робот техникасы һәм мәгълүмати куркынычсызлык. Сетров Филипп, 3 нче Аксубай урта мәктәбенең 9а сыйныфы укучысы технология һәм техник иҗат юнәлешендә олимпиадада җиңүче булды! Бу бик зур уңыш! Филиппны һәм аның остазы Макаров Юрий Никитовичны чын күңелдән шушы искиткеч нәтиҗә белән котлыйбыз! Бөтенроссия этабында яңа казанышлар һәм җиңүләр телибез! Технология буенча Бөтенроссия укучылар олимпиадасының йомгаклау этабы инде ерак түгел һәм бездә, Татарстанда узачак!