«Мечта» приютында тәрбияләнүчеләр сатучы һөнәре белән танышалар.

  «Киләчәккә билет» программасы кысаларында Аксубай районының «Мечта» балалар һәм яшүсмерләр өчен социаль приютында мәктәпкәчә яшьтәге балалар белән «кибет»сюжетлы-рольле уены үткәрелде. Сюжетлы-рольле уеннарда балалар өлкәннәрнең тормышын һәм хезмәтен сурәтли. Балаларга үзләрен сатучы итеп тою һәм сатып алучыларга хезмәт күрсәтү ошый. Уен барышында балалар үзләре өчен яңа төшенчәләр белән таныштылар. Рәхәтләнеп уйнадылар, сюжетны мөстәкыйль үстерделәр, уен алмаштыргычларын кулландылар. Уен аша балалар сатучы һөнәре һәм аның үзенчәлекләре белән таныштылар.