Татар теленнән республика олимпиадасының йомгаклау этабы призеры.

  2025 елның 11 мартыннан 13 мартына кадәр Казан шәһәрендә Татарстан Республикасы гомуми белем бирү оешмаларының 7-11 сыйныф укучылары арасында рус телендә белем бирүче мәктәпләр өчен туган (татар) тел буенча республика олимпиадасының йомгаклау этабы узды. Иске Мокшино урта мәктәбенең 11 класс укучысы Минһаҗева Зәлинә татар теле буенча республика олимпиадасында призер булды. Призерны Иске Мокшино урта мәктәбенең Туган тел (татар) теле һәм әдәбияты укытучысы Мирзаянова Наҗия Сантбурхановна әзерләде. Исегезгә төшерәбез, узган уку елында Зәлинә татар теле буенча ХІ Халыкара олимпиадада җиңүче булды, шулай ук ул 7 ел рәттән татар теле һәм әдәбияты буенча республика олимпиадаларының йомгаклау этапларында призлы урыннар яулады. Зәлинә, без сиңа яңа биеклекләргә ирешүдә уңышлар телибез! Зәлинәне, остаз-укытучы Наҗия Сантбурхановнаны һәм Иске Мокшино мәктәбе коллективын котлыйбыз, киләчәктә  яңа уңышлар телибез!