Агросәнәгать предприятиеләренең язгы кыр эшләренә әзерлеге мәсьәләләре буенча эшлекле очрашу.

  Район Башкарма комитеты җитәкчесе Алмаз Мингулов рәислегендә агросәнәгать предприятиеләренең язгы кыр эшләренә әзерлеге мәсьәләләре буенча районның авыл хуҗалыгы предприятиеләре инвесторлары белән эшлекле очрашу узды. Киңәшмә барышында эш планнарын кабул иттеләр, чәчүлек мәйданнары структурасы, көзге культураларның торышы, бөртекле һәм техник культуралар орлыклары белән тәэмин ителеше, сатып алынган орлыклар кайтару һәм минераль ашламалар туплау турында фикер алыштылар. Җитәкчеләр авыл хуҗалыгы техникасының торышы, ремонтлануы һәм эш белән тәэмин ителеше турында сөйләделәр. Район хуҗалыклары язгы кыр эшләрен вакытында башкарырга әзер.