Инвалид балалар тәрбияләүче гаиләләргә һәм авыр тормыш хәлендә яки социаль куркыныч хәлдә булган балалы гаиләләргә ярдәм итү өчен «Яңа мөмкинлекләр үзәкләре-2025 " грант конкурсы игълан ителде.

  Конкурста дәүләт һәм муниципаль учреждениеләр, шулай ук коммерциягә карамаган оешмалар, иҗтимагый берләшмәләр, дәүләти-иҗтимагый һәм иҗтимагый-дәүләти берләшмәләр катнаша ала. Катнашуга гаризалар 2025 елның 25 мартына кадәр кабул ителә. Нәтиҗәләр 2025 елның 1 июненә кадәр игълан ителәчәк Конкурста җиңүчеләр грант ала алачак - инвалид балалар өчен инде гамәлдә булган көндезге тору үзәкләрен ачуга яисә үстерүгә 2 миллион сумга кадәр (үсеш үзенчәлекләре булган балалар тәрбияләүче гаиләләр өчен пространстволар, анда балалар белән профильле белгечләр эшли), - балалы гаиләләр өчен кризис үзәкләре өчен (ата-аналар һәм балалар өчен комплекслы ярдәм күрсәтелә торган урын) 3 миллион сумга кадәр. Бүлеп бирелгән акчаларны кирәкле техник һәм көнкүреш җиһазлары сатып алуга, биналарны ремонтлауга, административ һәм башка чыгымнарга тотарга мөмкин булачак. Күрсәтелгән үзәкләрне төзү яисә гамәлдәге учреждениеләрне үзгәртеп кору гаиләләргә өстәмә ярдәм күрсәтергә, балаларның һәм ата-аналарның аерылышу ихтималын киметергә, шулай ук дәүләтнең гаилә саклау сәясәте юнәлешендә хәрәкәт итәргә мөмкинлек бирәчәк. «Яңа мөмкинлекләр үзәкләре» Бөтенроссия грант конкурсына сылтама: https://stranadlyadetei.ru/grant/