"Үлемсез полк" акциясе илебезнең барлык урта һөнәри белем бирү мәктәпләре һәм учреждениеләрендә узачак.

  РФ мәгариф министры Сергей Кравцов 2025 елда «Үлемсез полк» акциясен уздыруга багышланган матбугат конференциясендә катнашты. Чара «Россия бүген» Медиатөркеменең Халыкара мультимедиа матбугат үзәгендә узды, анда Бөек Җиңүнең 80 еллыгы елында акция үткәрү форматы турында фикер алыштылар. «Үлемсез полк " акциясе илебезнең барлык урта һөнәри белем бирү мәктәпләре һәм учреждениеләрендә узачак. Узган ел «Үлемсез полк: Геройлар безнең белән янәшә» акциясендә 10 миллион укучы катнашты. Быел аларның саны артыр дип өметләнәбез. Мәгариф министрлыгы Бөек Җиңүне бәйрәм итүгә зур әзерлек эшләре алып бара. 5 майда барлык мәктәпләрдә совет халкының батырлыгына һәм тарихи хакыйкатьне саклауның мөһимлегенә багышланган «мөһим нәрсәләр турында сөйләшүләр» дәресе узачак. «Кыңгырау урынына музыка» проекты кысаларында мәктәпләрдә май аенда Бөек Ватан сугышы турында җырлар яңгыраячак. Җиңү музее белән берлектә барлык мәктәп музейларында «Хәтер дивары» акциясен оештырачакбыз, – диде РФ мәгариф министры Сергей Кравцов. Россия Мәгариф министрлыгы башлыгы киләсе уку елыннан башлап тарих буенча бердәм дәүләт дәреслекләренең яңа линейкасына күчү дәвам итәчәгенә игътибар итте. Тарихны өйрәнү өчен сәгатьләр саны арттырылды. Һәр мәктәп 10 нчы сыйныфта Бөек Ватан сугышы темасына 18 тарих дәресе үткәрергә, ә Сталинград һәм Курск сугышларына аерым дәресләр бирергә тиеш.