Татарстанда шәһәр читендәге күчемсез милеккә ихтыяҗ 20% ка арткан.

  Агымдагы елның март аенда алынган исәп-хисап-теркәү гамәлләрен анализлап, Татарстан Росреестры шундый мәгълүматлар китерә. Февраль белән чагыштырганда, сатып алу-сату килешүләре нигезендә хокуклар күчү саны җир кишәрлекләренә карата 5 164 тән 6 232 гә кадәр (+20,7%); шәхси торак йортларга карата – 805 тән 964 кә кадәр (+19,8%) арткан.  "Яз җитү белән шәхси йортлар һәм җир кишәрлекләре кебек объектларга килешүләр саны гадәттәгечә арта. Быел февральгә карата әлеге объектларга ихтыяҗ 20% ка арткан. Торак күчемсез милеккә килгәндә исә, февраль белән чагыштырганда бу сегментта сатып алу-сату килешүләре нигезендә хокук күчүләрен теркәү саны шулай ук артты, әмма аз гына – 4 058 дән 4 144 кә кадәр, димәк, үсеш 2,1% тәшкил итте», - дип хәбәр итте Татарстан Росреестры җитәкчесе урынбасары Нияз Галиәкбәров.  2025 елның мартында күчемсез милек объектларының барлык төрләренә карата ДКП нигезендә хокукларның 12 045 күчеше теркәлгән, бу февральгә караганда 13% ка күбрәк. Шулай ук Татарстан Росреестрында кредит акчаларын җәлеп итеп килешүләрнең шактый артуын билгеләп үттеләр. Март нәтиҗәләре буенча 4 342 ипотека теркәлгән (февральгә карата+26,2%). Шул ук вакытта иң зур үсешне – 50,3% - җир кишәрлекләре күрсәткән (1653 ипотека). Торак урыннарга ипотекалар саны 37,3% ка арткан һәм 1 528 ипотека тәшкил иткән. Ведомство мәгълүматлары буенча, уңай динамика күчемсез милекнең беренчел базарына да хас. Әйтик, март аенда өлешле төзелештә катнашу буенча теркәлгән килешүләр саны агымдагы елның феврале белән чагыштырганда 8,3% ка - 1 309 дан 1 417 гә кадәр арткан.    "Яз шәһәр читендәге күчемсез милекне сатып алу өчен иң яхшы вакыт. Сатып алучылар арасында җир кишәрлекләренә дә, әзер йортларга да ихтыяҗ зур. Казанлыларны нигездә Лаеш, Зеленодольск, Питрәч һәм Биектау районнарындагы объектлар җәлеп итә. Мондый объектларның бәясе елдан-ел арта , шуңа күрә мөмкинлек булса, сатып алуны кичектермәскә кирәк», - дип уртаклашты үз фикере белән риелторлар гильдиясе вице-президенты Руслан Садреев.