"Г. Тукай әкиятләре буенча сәяхәт"

  Бөек татар шагыйре Габдулла Тукайга 139 яшь тулу уңаеннан Аксубай муниципаль районы «Мечта» балалар һәм яшүсмерләр приютында «Г.Тукай әкиятләре буенча сәяхәт»дигән чара узды. Әлеге чараны үткәрүнең максаты тәрбияләнүчеләрне татар халкының бай әдәби мирасына тарту, иҗади сәләтләрен үстерү һәм патриотизм хисе формалаштыру . Мәктәпкәчә яшьтәге балалар белән бергә Г.Тукайның «Шүрәле»әкиятенә нигезләнеп эшләнмә әзерләгәннәр. Эш барышында балалар зур кызыксыну күрсәттеләр, Шүрәленең тышкы кыяфәте, аның үзенчәлекләре (озын бармаклары, мөгезе) турында фикер алышуда актив катнаштылар һәм бик теләп кул эше белән шөгыльләнделәр. Тәрбияләнүчеләрнең эшләре арасында шулай ук «Кәҗә һәм сарык турында әкият», «Су анасы», «Сабый һәм күбәләк» һ. б. төсле рәсемнәр күрергә була. Габдулла Тукай үзенең әсәрләре белән кешеләрне бүгенге көнгә кадәр илһамландыра, безнең хәтердә туган якка, туган телгә, тормышка мәхәббәтен бүләк иткән бөек шагыйрь булып кала.