«Мечта" приюты тәрбияләнүчеләре янгын сүндерү бүлегендә булды.

  Аксубай районы «Мечта» балалар һәм яшүсмерләр өчен социаль приютында тәрбияләнүчеләр янгын сүндерү бүлегендә булдылар. Чара «Киләчәккә билет»һөнәри юнәлеш бирү программасында оештырылды. Янгын сүндерү бүлегендә балалар өчен экскурсия үткәрелде, каравыл, дежур-диспетчерлык хезмәтләре, ял итү урыннары күрсәтелде. Часть хезмәткәре Зөлфәт Җиһангиров яшь кунакларга янгын сүндерү-коткару җайланмаларын күрсәтте. Балалар зур теләк һәм соклану белән янгын сүндерү машиналарын, авария-коткару җиһазларын карадылар. Балалар сирена тавышын ишетте, янгын сүндерүче каскасын киеп, янгын сүндерү машинасы кабинасында утырып карады. Балалар зур кызыксыну белән тыңлап үзләрен кызыксындырган сораулар бирделәр. Алар янгын сүндерүче һөнәренең никадәр катлаулы һәм куркыныч булуына инандылар. Мондый очрашулар балаларда янгын сүндерүче һөнәренә карата кызыксыну һәм хөрмәт уята.