Аксубай районына эш сәфәре белән РФ Дәүләт Думасы депутаты Айдар Метшин килде.

  Район Башкарма комитеты җитәкчесе Алмаз Мингулов Җиңү көне алдыннан Аксубай районы халкының ничек яшәве турында сөйләде, махсус хәрби операциядә катнашучыларга һәм аларның гаиләләренә ярдәм итү темасына кагылды, шулай ук территорияләрне үстерүнең гамәлдәге программалары белән таныштырды. Айдар Метшин үз чыгышында депутатларның халык белән төбәк очрашулары башка районнарда да узуын билгеләп үтте, агымдагы эшкә йомгак ясады. Ул МХО темасына аерым игътибар бирде, Яраланып кайтучы сугышчыларны кайгыртуда ярдәм чараларын эшләргә кирәклеген ассызыклады, Депутат   гражданнар кабул итте. Айдар Рәис улына МХОда яраланган катнашучысын дәвалауда ярдәм сорап мөрәҗәгать иттеләр, күп балалы гаилә дәүләттән автомобиль алу мөмкинлеге белән кызыксынды, ә ветераннар «сугыш балалары» статусын закон нигезендә ныгыту һәм тиешле түләүләр белән кызыксынды. Мөрәҗәгатьләр буенча депутат аңлатмалар бирде һәм аларны эшкәртмәгә алды. Айдар Метшин һәм Алмаз Мингулов МХО катнашучылары белән очрашты. Формаль булмаган шартларда чәй эчкәндә сугышчылар белән яралыларны дәвалау, гаиләләргә ярдәм итү, социаль ярдәм буенча актуаль проблемалар турында фикер алыштылар.