Район мәдәният хезмәткәрләре театр коллективларының Халыкара фестиваль-конкурсы иҗат лабораториясендә катнаштылар.
Әлмәт татар дәүләт драма театрында Ш.З. Закиров исемендәге «Идел йорт» XXII төбәкара театр коллективлары фестиваль-конкурсы кысаларында иҗади лаборатория узды!
Лабораториянең темасы «Театр тылсымы: спектакльләр ничек барлыкка килә».
Иҗат лабораториясендә Аксубай районы мәдәният хезмәткәрләре дә катнашты: район мәдәният йорты белгечләре Фәнис Низамов, Зөлфия Капитонова, Элина Лионова, Иске Татадам авыл мәдәният йорты белгече Гөлнара Морадимова һәм Иске Ибрай авыл мәдәният йорты белгече Гөлшат Мотыйгуллина.
Чарада үз эшенең чын осталары чыгыш ясады:
- ТР атказанган артисты Фикрат Сибгатуллин һәм Әлмәт театры актрисасы, ТР Язучылар берлеге әгъзасы Резеда Хәертдинова үзләренең белемнәре һәм тәҗрибәләре белән уртаклаштылар, катнашучыларны театр сәнгате дөньясына чумдырдылар.
- Руслан Ильясов, рәссам-бутофор, «театр бутафориясе технологияләре» темасына мастер-класс үткәрде, ә аның ассистентлары Эльмира Нургалиева һәм Диләрә Низамова катнашучыларга матур сәхнә предметлары булдыру серләрен үзләштерергә булыштылар.
- Костюмнар цехы мөдире Лилия Кузнецова һәм тегү цехы мөдире Резеда Коноржевская «кулдан килгән материаллардан костюм» дигән мастер-класс күрсәттеләр, анда катнашучылар арзан материаллардан файдаланып, уникаль костюмнар ясарга өйрәнделәр.
- Гөлнара Актуганова, рәссам-гример, «грим сәнгате» нечкәлекләре белән уртаклашты, грим ярдәмендә персонажлар өчен онытылмас образлар булдыруның серләрен ачты.
- Театр актрисасы һәм хореограф Ләйсән Заһидуллина хореография буенча тәҗрибәсе белән уртаклашты.
Бу лаборатория театр сөючеләрне һәм профессионалларны берләштереп, иҗат һәм тәҗрибә уртаклашу урынына әверелде!