Өйдә социаль хезмәт күрсәтү бүлегенең социаль хезмәтләр алучысы, тыл хезмәтчәне Вәлиева Рауза Минвәли кызы 7 майда үзенең 95 яшьлек юбилеен билгеләп үтә!

  Рауза Минвәлиевнаны юбилей бәйрәме белән котларга район башкарма комитеты вәкиле, авыл җирлеге башлыгы һәм социаль хезмәткәрләр килде. Рауза Минвәли кызы 1930 елның 7 маенда Татарстан АССРның Аксубай районы Яңа Үзи авылында туа. Сугыш вакытында колхозда эшли. 1952 елда Үзбәк ССРның Ташкент шәһәренә китә. Анда ул пенсиягә чыкканчы төзелештә эшләгән. Соңыннан, лаеклы ялда булганда, Рауза Минвәлиевна авыру әнисен карарга туган авылына кайта. Башкаручанлыгы һәм хезмәт сөючәнлеге өчен Рауза Минвәли кызының Мактау грамоталары бар. Аңа хезмәт ветераны исеме бирелде. Юбилярга карата бик күп ихлас һәм җылы сүзләр яңгырады. Җавап итеп, ул барысына да котлаулары өчен рәхмәт белдерде һәм үткән тормыш юлы турындагы хатирәләре белән уртаклашты.