Казан районара табигатьне саклау прокуратурасы су биологик ресурсларын законсыз чыгарган өчен җаваплылык турында хәбәр итә.

  Су биоресурсларын тиешле рөхсәтсез (алар булу мәҗбүри булган очракларда) йә рөхсәт документларында билгеләнгән шартларны бозып , шулай ук тоту ысулларына, срокларына яки коралларына билгеләнгән тыюларны игътибарсыз калдыручы гражданнар гамәлдәге Россия законнары нигезендә җаваплылыкка тартылырга тиеш. Балыкчылык кагыйдәләрен бозган өчен РФ Административ хокук бозулар кодексының 8.37 маддәсенең 2 өлешендә штраф түләтү рәвешендә санкцияләр каралган. Физик затлар өчен штрафның максималь күләме 5 мең сум, вазыйфаи затлар өчен - 30 мең сум, ә оешмалар өчен 200 мең сум тәшкил итә. Су биоресурсларын законсыз тоту 100 мең сумнан артыграк зыян китергән яки үзйөрешле йөзү чаралары, шартлаткыч яки химик матдәләр, суда яшәүчеләрне күпләп юк итү өчен тыелган башка кораллар кулланып, шулай ук Уылдык чәчү урыннарында яки миграция юлларында башкарылган очракларда РФ Җинаять кодексының 256 маддәсе буенча җинаять җаваплылыгы башлана. Әлеге маддәнең санкцияләре 1 миллион сумга кадәр штраф яки биш елга кадәр иректән мәхрүм итү рәвешендәге җәзаны күздә тота. РФ Кызыл китабына кертелгән һәм (яисә) РФ халыкара килешүләре белән саклана торган төрләргә караган аеруча кыйммәтле су биоресурсларын, аларның өлешләрен һәм дериватларын (чыгармаларын) законсыз чыгару, тоту, сатып алу, саклау, ташу, җибәрү һәм сату мәсьәләләре аерым тәртиптә җинаять законнары белән җайга салына. РФ Җинаять кодексының 258.1 маддәсенең 1 өлеше буенча җинаять җаваплылыгына тартылып браконьер 3 млн. сумга кадәр штраф белән 9 елга кадәр ирегеннән мәхрүм итү рәвешендәге җәза ала. Моннан тыш, браконьерлык өчен гражданлык-хокукый җаваплылык – су биологик ресурсларына китерелгән зыянны Россия Федерациясе файдасына түләтү каралган.