Татарстанда суд табигатьне саклау прокуратурасы таләпләрен хуплады һәм составына су фонды җирләре кергән җир кишәрлекләрен кадастр исәбеннән төшерергә карар чыгарды.

  Казан районара табигатьне саклау прокуратурасы су һәм җир законнарының үтәлешен тикшерде. Татарстан Республикасының «Лаеш муниципаль районы» муниципаль берәмлегенә караган җир кишәрлекләре 94 гектардан артык мәйданлы «Ковалин (Ковалев) күле «төбәк әһәмиятендәге табигать ядкәре акваториясендә тулысынча формалашкан. Су фонды җирләрен һәм махсус сакланучы табигатьне саклау территорияләрен дәүләт милкенә кайтару максатында прокурор җир кишәрлекләренә милек хокукын юк дип тану турында судка мөрәҗәгать иткән. Татарстан Республикасы Лаеш район суды прокурор таләпләрен канәгатьләндерде. Суд карары җирле үзидарә органының әлеге җир кишәрлекләренә милек хокукын туктату һәм аларны кадастр исәбеннән төшереп калдыру өчен нигез булып тора. Закон бозуларны бетерү прокуратура контролендә тора.