Халыкара гаилә көне алдыннан район мәдәният йортында гаиләләр өчен чара узды
"Гаилә - менә чын бәхет" дигән файдалы мәгълүмат сәгате чарасында районыбызның тәрбиягә алган гаиләләре катнашты. Чарада катнашучылар алдында Аксубай районының мәдәният бүлеге башлыгы Алексей Тимирясов, социаль яклау бүлеге начальнигы Елена Зайцева, Загс бүлеге начальнигы Светлана Крайнова һәм ТР Аксубай муниципаль районының «МӘРХӘМӘТ – МИЛОСЕРДИЕ» Советында Хатын – кыз депутатлар берләшмәсе җитәкчесе, «ЦКС» МБУК директоры Ольга Копанева чыгыш ясады. Чара җылы һәм дустанә атмосферада узды. Чарада катнашучылар өчен төрле викториналар һәм конкурслар әзерләнде. "Аксубай егетләре" үрнәк балалар баянчылар ансамбле катнашучысы Глеб Мясников үзенең чыгышы белән сөендерде.
Очрашу күңелле чәй эчү белән тәмамланды, чарада катнашучылар үзләренең гаилә традицияләре турында сөйләделәр, гаилә бәхете серләре белән уртаклаштылар.