Бүген район кырларын һәм авыл хуҗалыгы предприятиеләрен йөреп чыктылар

  Район Башкарма комитеты җитәкчесе Алмаз Мингулов һәм районның авыл хуҗалыгы идарәсе җитәкчесе Борис Соломонов кече сөтчелек фермалары төзү программасында катнашырга ниятләгән шәхси ярдәмче хуҗалыкларда булдылар. Объектлар әзерлекнең югары дәрәҗәсендә, һәм хәзерге вакытта гариза бирү өчен документлар пакеты әзерләнә.    "Идел-Селект"ҖЧҖ кырларының торышын карадылар. Бердәм эш һәм коллективның югары профессиональлеге нәтиҗәсендә алар чәчү кампаниясен кыска вакыт эчендә уңышлы төгәлләделәр.