Аксубай туган якны өйрәнү музеенда "Террорга каршы бергә" квест-уены узды

2025 елның 23 мае, җомга

Аксубай туган якны өйрәнү музеенда "Террорга каршы бергә" квест-уены узды. Чарада "Хыял" балалар приютында тәрбияләнүчеләр, беренчеләрдән булып яшьләр хәрәкәте вәкилләре катнашты. Балалар ике командага бүленеп, куркынычсызлык белән бәйле биремнәрне хәл иттеләр, төрле ситуацияләрдә үзләренең гамәлләре турында сөйләделәр. Чарада кунаклар коррупциягә каршы көрәш мәсьәләләре буенча башлык ярдәмчесе Крайнова Эльмира Җәүдәт кызы һәм Аксубай муниципаль районы прокуроры ярдәмчесе Гусамов Илгиз Фәрит улы катнашты.