Җәйге көн ел ашата.

  "Нежность" халыкка социаль хезмәт күрсәтү үзәгенең гаиләгә һәм балаларга социаль ярдәм бүлеге белгечләре балалар белән бик нәтиҗәле һәм файдалы дәрес үткәрделәр. "Тигез мөмкинлекләр йорты" программасы кысаларында бакчада эшләү аша социаль-көнкүреш күнекмәләрен үзләштерү белән шөгыльләнделәр. Балалар сабыр гына җирне йомшарттылар, яшелчәләр утырттылар, бәрхет чәчәк үсентеләре утырттылар. Җир һәм үсемлекләр белән эшләү мавыктыргыч кына түгел, ә җаваплылык, сабырлык һәм бердәм эшли белү кебек мөһим күнекмәләрне үстерергә дә ярдәм итә. Дәресне үткәрүдә ярдәм иткәне өчен волонтер Екатерина Васильевага зур рәхмәт! Үсентеләрнең беренче шытымнары  безне тиздән сөендерер дип ышанабыз!