Халыкара конкурсларны яулыйлар.

  "Нежность" КЦСОН көндезге төркемендә социаль хезмәтләр алучыларны җиңүләре белән котлыйбыз! Дмитрий Тулин - "Вокал" номинациясендә I дәрәҗә лауреат, Динар Шәйхетдинов "Без бергә" Халыкара фестиваль-конкурсының "фотография сәнгате"номинациясендә I дәрәҗә лауреат булды. Җитәкчесе-гаиләгә һәм балаларга социаль ярдәм бүлеге белгече Ольга Макарова. - VII Халыкара фестиваль-конкурс Ватанны саклаучылар елына һәм Бөек Ватан сугышында Җиңүнең 80 еллыгына багышланган иде, - дип хәбәр итте җитәкче. - Ул үзенчәлекле кешеләрнең талантын ачыклауга һәм аларга ярдәм итүгә юнәлдерелгән. Без җиңү белән бик горурланабыз! Һәм, һичшиксез, уңышлар балаларда иҗатка һәм тормышка карата уңай теләк уята.