Физика һәм җәмгыять белеменнән бердәм дәүләт имтиханы.

  2025 елның 2 июнендә безнең чыгарылыш сыйныф укучылары физика һәм җәмгыять белеменнән бердәм дәүләт имтиханы тапшырдылар. Физикадан-9, җәмгыять белеменнән 24 укучы имтихан бирде.  Имтиханны үткәрү пункты онлайн видеокүзәтү белән тәэмин ителгән «Аксубайның 3 нче урта гомуми белем бирү мәктәбендә» оештырылды. БДИ ППЭда «Интернет» челтәре буенча имтихан материаллары алу, аудиториядә контроль-үлчәү материалларының тулы комплектын бастыру һәм ППЭ аудиторияләрендә бланкларны сканерлау технологияләре кулланыла.  Физикадан БДИ– 3 сәгать 55 минут, җәмгыять белеменнән-3 сәгать 30 минут дәвам итә. Физика буенча имтиханда катнашучылар программалаштырылмаган калькулятор һәм белешмә мәгълүмат булмаган линейкадан файдалана алганнар. Физика буенча ким БДИ 26 биремнән тора, җәмгыять белеме буенча - 25. Узган ел белән чагыштырганда КИМ структурасында үзгәрешләр юк. 1 нче номерлы җаваплар бланкы автомат рәвештә тикшерелә. 2 нче номерлы җаваплар бланкын Республика предмет комиссиясе экспертлары тикшерә. Физикадан БДИның минималь бусагасы 36 балл тәшкил итә, җәмгыять белеменнән – 42 балл. Шул ук вакытта югары уку йортына керү өчен физика буенча БДИда кимендә 39 балл, җәмгыять белеме буенча кимендә 45 балл җыярга тиешләр. Физика һәм җәмгыять белеме буенча БДИ нәтиҗәләрен имтиханнарда катнашучылар 20 июньдә үз мәктәбендә яисә Рособрнадзорның рәсми сайтында «ГИА» бүлегендә белә алачак https://checkege.rustest.ru/. Бер фән, шул исәптән физика буенча БДИ нәтиҗәсен яхшыртырга теләүчеләр моны 2025 елның 3 июлендә, ә җәмгыять белеме буенча - 2025 елның 4 июлендә эшли алачак (шул ук вакытта беренче нәтиҗә юкка чыгарылачак). Киләсе сайлап алынган  имтихан 11 сыйныфларда 5 июньдә була (биология, география, чит тел (язма)).