«Татарстан Республикасы Балигъ булмаганнарның иң яхшы җәмәгать тәрбиячесе - 2025»конкурсының зона этабы.

  04.06.2025 елда Чистай шәһәрендә «Татарстан Республикасында балигъ булмаганнарның иң яхшы җәмәгать тәрбиячесе - 2025»конкурсының зона этабы уздырылды. Конкурска балигъ булмаганнар белән эшләү буенча материаллар тәкъдим ителде. Балигъ булмаганнарны реабилитацияләүнең индивидуаль программаларына һәм алар белән эшләүнең нәтиҗәлелегенә аерым игътибар бирелде. Җәмәгать тәрбиячеләренең профилактик эшчәнлегенең нәтиҗәләре буларак, уңай нәтиҗәле балигъ булмаганнарны исәптән төшерү фактлары югары балл белән бәяләнде. Җәмәгать тәрбиячеләре гаилә, укытучылар, балигъ булмаган бала укый торган сыйныф яки төркем коллективы белән тыгыз элемтәдә тору кебек эш ысулларын кулланды. Әңгәмәләр, проблемаларны хәл итүдә уртак юл таба белү, балигъ булмаган баланы иҗтимагый файдалы эшкә, кызыксыну түгәрәкләренә һәм спорт секцияләренә йөрүгә җәлеп итү гаять зур роль уйнады. Аксубай муниципаль районыннан конкурста Яшмурзина Наталья Владимировна – МББУ «Иске Тимошкино урта гомуми белем бирү мәктәбе»нең тәрбия буенча киңәшчесе катнашты. Яшмурзина Н. В., баланы тернәкләндерү программасын тәкъдим итте, эш нәтиҗәләре турында сөйләде. Яшмурзина Н. В.тәҗрибәсе, жюри әгъзалары тарафыннан искиткеч дип бәяләнде. Конкурсның зона этабында катнашучылар диплом һәм кыйммәтле бүләкләр белән бүләкләнделәр. Якташыбызга яңа җиңүләр телибез.