Аксубай районында "Курше Фест"Республика проекты эшли башлады.

  Яхшы күршелек,  ишегаллары, йортларыбыз янындагы якты вакыйгалар - бу безнең белән булырга мөмкин булган иң мөһим һәм җылы нәрсә! Аксубай районында Татарстан Республикасы Рәисе Рөстәм Миңнеханов ярдәме белән булдырылган "Курше Фест" Республика проекты эшли башлады. Проект- ишегалдындагы барлык кешеләр бер-берсен исемнәре белән белсен, бергә ял - бәйрәм итсен,  һәм бер-берсенә ярдәмчел булсын өчен оештырыла. Җәй буе Аксубай штп җәмәгать киңлекләрендә, паркларда һәм ишегалларында төрле чаралар уздырылачак. Беренче якты чара Шоссейная урамындагы 82 нче йорт ишегалдында узды инде, бирегә Шоссейная 82, 82а, 82б, 82в һәм май заводы д1 йортларында яшәүчеләр җыелды. Мәдәният хезмәткәрләре," Управляющая компания " ҖЧҖ белән берлектә, Аксубай шәһәр тибындагы поселогында бай эчтәлекле программа, иң яхшы артистлар чыгышлары белән концерт, викторина, аквагрим һәм башкаларны әзерләде. Бу чара балалар һәм өлкәннәр өчен чын бәйрәмгә әверелде, барлык катнашучыларга бик күп уңай хис-кичерешләр бүләк итте.