Гражданнар агач материалын җылыту, корылмалар төзү һәм үз ихтыяҗлары өчен әзерләргә хокуклы.
Торак йортларны, дача биналарын һәм хуҗалык корылмаларын (мичле җылыту булган очракта), төзелеш корылмаларын торгызу һәм ремонтлау, җир кишәрлекләре коймаларын төзү һәм ремонтлау, вакытлы корылмаларны төзү һәм ремонтлау һәм башка ихтыяҗлар үз мохтаҗлыкларга керә.
РФ Урман кодексының 30 статьясы нигезендә, гражданнар үз ихтыяҗлары өчен агач әзерләүне урман утыртмаларын сату-алу килешүләре нигезендә гамәлгә ашыра. Үз ихтыяҗларың өчен агач алу өчен Урманчылыкка гариза белән мөрәҗәгать итәргә кирәк. Анда агач әзерләүнең максатын, агач күләмен, аны әзерләүнең фаразланган урынын (урманчылык атамасын) һәм урман утыртмаларын сату-алу шартнамәсенең гамәлдә булу вакытын күрсәтергә кирәк.
Ел саен без халык ихтыяҗлары өчен теләгән һәркемгә урман бирәбез. Бары тик урманның ремонт өчен 10 елга бер тапкыр һәм йорт төзү өчен 25 елга бер тапкыр бирелүен исәпкә алып кына. Төп шарт – сату түгел,үз ихтыяҗларың өчен. Гражданнар тарафыннан үз ихтыяҗлары өчен әзерләнгән агач бер заттан икенчесенә күчә алмый. Шулай итеп, гражданнар мәнфәгатьләре һәм урман байлыклары саклана.