Аксубай районы делегациясе Димитровград шәһәрендә узган татар милли бәйрәме Сабантуйда катнашты.

  Делегацияне район Башкарма комитеты җитәкчесе Алмаз Мингулов җитәкләде. Аның составына сәхнә осталары, балалар сәнгать мәктәбенең яшь талантлары һәм район спортчылары керде. Сабантуй күптән инде төрле милләт вәкилләрен берләштерүче бәйрәмгә әверелде. Кунаклар өчен концерт программасы, спорт мәйданчыклары, сувенирлар аллеясы, шашлык зонасы һәм спорт инвентарьларын прокатка бирү оештырылды. Җыр - биюләр, көрәш, шашка көрәше, балалар өчен мастер-класслар, атта һәм паровозда йөрү бәйрәмне  күңелле итте. Һәркем үзенең күңеленә хуш килгән шөгыль тапты һәм бердәм күңел ачу атмосферасын тойды.