Үзәк мәйданда рус фольклорының «Троицкие хороводы» республика бәйрәме узды.

  Изге Троица-православиедә иң мөһим бәйрәмнәрнең берсе. Ул гасырлар буе яшәп килгән гореф-гадәтләр белән тулган чын халык йоласына әверелде  . Ике дистә ел буена аны бәйрәм итү урыны Түбән Баланда авылы булды. Ә бүген бөтен республикадан кунаклар Аксубай бистәсе Үзәк мәйданына җыелды.  Аксубайга ХХV Троицк фестиваленә Нурлат, Яңа Чишмә, Лаеш, Чистай, Алексеевск, Мөслим, Балык Бистәсе районнарыннан, шулай ук Казан, Яр Чаллы һәм Ульяновск шәһәреннән фольклор, вокаль коллективлар килгән иде. Матур яшел аланда авыл мәдәният учакларының клублары тәкъдим иткән төрле тематик мәйданчыклар эшләде. Аларның һәркайсы үз һөнәренең уникаль өлкәсен тәкъдим итте. Кунакларны борынгы һәм гореф — гадәтләр дөньясына чуму: Троица көненә әзерләнгән тәмле боткадан авыз итү, шифалы үсемлекләр серләрен ачу, курчак, кулдан бәйләнгән бизәнү әйберләреннән алып көнкүреш әйберләренә кадәр тылсымлы эш башкаручыларның кул осталыгын күрү мөмкинлеге сөендерде.