«Минем Ватаным – Россия»Россия көненә патриотик сәгать.

  12 июньдә бөтен ил Россия көнен – милли бердәмлекне, иреклек, тынычлык һәм татулыкны, шулай ук Ватаныбызның бүгенгесе һәм киләчәге өчен уртак җаваплылыкны символлаштырган мөһим дәүләт бәйрәмен билгеләп үтә. Бу көнне «Аксубай районы «Мечта» балалар һәм яшүсмерләр өчен социаль приют»ы мәктәп яшендәге тәрбияләнүчеләре белән тәрбияче Белова Евгения Васильевна «Минем Ватаным – Россия»темасына патриотик сәгать үткәрде.   Чара тәрбияләнүчеләрдә ватанпәрвәрлек хисе, Ватаның тарихына һәм традицияләренә, шулай ук Россиянең дәүләт символларына хөрмәт хисе тәрбияләүгә юнәлдерелгән. Балалар бу көнне 1990 елда РСФСР халык депутатларының беренче съезды Россиянең дәүләт суверенитеты турында Декларация кабул иткәнен белделәр. 1994 елда РФ Президиумы Указы белән Россия бәйсезлеге көне буларак гамәлгә куела. Россия символлары – флаг, герб һәм гимн, аларның әһәмияте һәм барлыкка килү тарихы турындагы фактларны үз эченә алган кызыклы хәбәрләр, презентацияләр карау тәрбияләнүчеләр аңына тирән кереп калды.   Балалар фикер алышуларда актив катнашты, сораулар бирде, бу бәйрәм турында белемнәре белән уртаклашты.

Үткәрелгән чара   тәрбияләнүчеләрнең Россия көне әһәмиятен закон һәм гаделлек нигезендә барлык кешеләрнең ирекле, гражданлык дөньясы бәйрәме буларак аңлауларын тирәнәйтергә ярдәм итте. Патриотик сәгать үз иле өчен горурлык хисе һәм аның үсешенә үз өлешен кертү теләге белән тәмамланды.